12 ліпеня, Позірк. Аляксандр Лукашэнка 8 ліпеня падпісаў закон, які зацвярджае міжурадавае пагадненне з В’етнамам аб адмене віз для ўладальнікаў нацыянальных пашпартоў.
Дакумент апублікаваны 12 ліпеня на Нацыянальным прававым інтэрнэт-партале.
Міжурадавае пагадненне было падпісана ў Ханоі 8 снежня 2023 года і, як паведамлялася, накіравана на “спрашчэнне ўзаемных паездак грамадзян дзвюх дзяржаў”. Адзначалася, што яно дазволіць “уязджаць, выязджаць, рухацца транзітам і знаходзіцца без віз на працягу тэрміну, які не перавышае 30 дзён”. Агульная працягласць знаходжання не павінна перавышаць 90 дзён у каляндарным годзе.
Пагадненне ўступіць у сілу пасля абмену бакамі дакументамі аб ратыфікацыі.
