У ДТЗ пад Каменцам загінулі дзве жанчыны
21 ліпеня, Позірк. Дзве жанчыны сталі ахвярамі дарожна-транспартнага здарэння ў Камянецкім раёне (Брэсцкая вобласць), паведамляе прэс-служба Міністэрства па надзвычайных сітуацыях.
ДТЗ адбылося 20 ліпеня, паведамленне аб аварыі паступіла ў МНС у 17:14.
“Стала вядома, што адбылося дарожна-транспартнае здарэнне з удзелам двух легкавых аўтамабіляў. Audi, у якой знаходзіліся мужчына-кіроўца і пасажырка, была на дарозе, а Peugeot з двума жанчынамі — кіроўцам і пасажыркай — у кювеце. Пашкоджаныя канструкцыі машын заблакавалі людзей, яны мелі патрэбу ў дапамозе. Выкарыстоўваючы спецыяльнае абсталяванне, я і калегі дэблакавалі пацярпелых у аварыі і перадалі медыкам”, — цытуе ведамства супрацоўніка Сяргея Юзвука.
Чатыры чалавекі былі шпіталізаваныя ва ўстанову аховы здароўя.
“Пазней у бальніцы памерлі пасажыркі абедзвюх машын”, — гаворыцца ў паведамленні.
СК завёў справу пасля аварыі ў Брэсцкім раёне, у якой пацярпела шэсць дзяцей (абноўлена)
дададзеная інфармацыя Міністэрства аховы здароўя 12 ліпеня, Позірк. У выніку аварыі ў Брэсцкім раёне 12 ліпеня пацярпела 27-гадовая жанчына і яе 6 дзяцей, паведамляе прэс-служба Следчага камітэта. Паводле інфармацыі ведамства, гэта адбылося ўдзень каля вёскі Братылава. Самаходны грэйдар пад кіраваннем 52-гадовага кіроўцы …
