Праваабаронцы прызналі палітвязнямі яшчэ 13 чалавек

24 ліпеня, Позірк. Палітвязнямі прызнана яшчэ 13 чалавек, зараз іх у Беларусі 1.380, паведамляе праваабарончы цэнтр “Вясна”.

Сярод іх асуджаныя на невядомыя тэрміны пазбаўлення волі па арт. 368, 367, 369, 361, 130 Крымінальнага кодэкса Уладзімір Баслык, арт. 368, 361¹, 130, 367 Аляксандр Катовіч, арт. 130, 361⁴ Вольга Волкава, арт. 130, 361⁴ Наталля Цімашэнка, арт. 130 Аляксандр Капылец, арт. 368, 130 Вераніка Жаркіна, арт. 130, 342 Аляксандра Мельнічак, арт. 368, 369, 130, 342 Аляксандр Блізнец, а таксама па арт. 130, 342, 361, 367 Віктар Мярзлікін (5 гадоў пазбаўлення волі), па арт. 361¹, 361⁴, 409 Аляксей Чарнавусаў (4,5 года).

Таксама палітвязнямі прызнаныя ўзятыя пад варту па арт. 130, 342 Аляксандр Лазарэвіч, па арт. 130 Ігар Сушко, па арт. 130, 356, 361⁴, 406 Руслан Прахарэнка.

Праваабаронцы патрабуюць ад уладаў неадкладна вызваліць усіх палітвязняў, перагледзець палітычна матываваныя прысуды і спыніць рэпрэсіі.

Адпаведную заяву акрамя “Вясны” падпісалі “Прававая ініцыятыва”, Беларускі ПЭН, Офіс па правах людзей з інваліднасцю, Беларускі Хельсінкскі камітэт, Беларускі дом правоў чалавека імя Барыса Звозскава і Lawtrend.

Даведка “Позірку”:

арт. 130 Крымінальнага кодэкса — распальванне расавай, нацыянальнай, рэлігійнай або іншай сацыяльнай варожасці або варажнечы;

арт. 342 — арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх;

арт. 356 — здрада дзяржаве;

арт. 361 — заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы;

арт. 361¹ — стварэнне экстрэмісцкага фарміравання або ўдзел у ім;

арт. 361³ — удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка або падрыхтоўка асоб да такога ўдзелу;

арт. 361⁴ — садзейнічанне экстрэмісцкай дзейнасці;

арт. 367 — паклёп у дачыненні да прэзідэнта;

арт. 368 — абраза прэзідэнта;

арт. 369 — абраза прадстаўніка ўлады;

арт. 409 — незаконныя дзеянні ў адносінах да маёмасці, падвергнутай вопісу або арышту.