Ціханоўская: Радая памілаванню Крыгера, але мы павінны змагацца за кожнага закладніка рэжыму

31 ліпеня, Позірк. Святлана Ціханоўская “радая, што Рыка Крыгер, прыгавораны да смяротнага пакарання рэжымам Лукашэнкі, быў памілаваны”.

“Кожнае жыццё неацэннае, і мы павінны выкарыстоўваць усе сродкі, каб змагацца за яго. Але мы таксама павінны змагацца за кожнага закладніка рэжыму. У Беларусі ўсё яшчэ больш за 1.300 палітвязняў”, — напісала дэмакратычны лідар на сваёй англамоўнай старонцы ў “Твітары”.

Грамадзянін Германіі Крыгер быў памілаваны Аляксандрам Лукашэнкам 30 ліпеня.

Гл. таксама па тэме:

На фоне памілавання Крыгера дэпутат Бундэстага заклікаў не забывацца на беларускіх палітвязняў

Фрыдман: За памілаванне Крыгера ад Германіі Лукашэнка не атрымае нічога (для падпісчыкаў)