16 жніўня, Позірк. Аляксандр Лукашэнка 16 жніўня падпісаў указ аб памілаванні 30 асоб, асуджаных за злачынствы “пратэстнай накіраванасці”.
У ліку памілаваных 14 жанчын і 16 мужчын, “некаторыя з іх маюць сур’ёзныя захворванні”, “ёсць асобы пенсійнага ўзросту”, гаворыцца ў паведамленні прэс-службы Лукашэнкі.
Сцвярджаецца, што “ўсе яны прызналі віну, шчыра раскаяліся ў зробленым і ўзялі абавязацельства весці правапаслухмяны лад жыцця”. Кантроль за “выкананнем такіх абавязацельстваў” па даручэнні Лукашэнкі “забяспечыць Міністэрства ўнутраных спраў”.
“Падпісаны акт аб памілаванні — фактычна шанец гэтым асобам рэабілітавацца перад дзяржавай і грамадствам”, — падкрэсліваецца ў паведамленні.
(Будзе дапоўнена.)
