Ціханоўская і міністр замежных спраў Канады абмеркавалі магчымасць выдачы ордэру на арышт Лукашэнкі
23 лістапада, Позірк. Меры падтрымкі звароту Літвы ў Міжнародны крымінальны суд з матэрыяламі супраць рэжыму Лукашэнкі, магчымасць выдачы ордэру на яго арышт абмеркавалі Святлана Ціханоўская і міністр замежных спраў Канады Мелані Жалі, паведаміў “Позірку” галоўны дарадца Святланы Ціханоўскай Франак Вячорка.
Перамовы адбыліся 22 лістапада ў Галіфаксе, дзе ў гэты дзень адкрыўся трохдзённы 16-ы Міжнародны форум па бяспецы.
“Ціханоўская падзякавала за падтрымку незалежных медыя: пасля мінулай сустрэчы ў красавіку Канада выдаткавала на гэта да 1 млн канадскіх долараў (каля 700 тыс. долараў ЗША. — “Позірк”.)”, — адзначыў дарадца дэмакратычнага лідара. Паводле яго слоў, бакі дамовіліся, што ў 2025 годзе праграма падтрымкі будзе працягнутая.
Ціханоўская прапанавала Канадзе далучыцца да Міжнароднага гуманітарнага фонду падтрымкі рэпрэсаваных, у які ужо сабрана больш за 2 млн еўра.
Падрабязнасці даступныя падпісчыкам “Позірк+”