Да і пасля навагодняга звароту Ціханоўскай на працягу 45 хвілін у Беларусі быў абмежаваны доступ у інтэрнэт

1 студзеня, Позірк. За пяць хвілін да навагодняга відэазвароту Святланы Ціханоўскай і на працягу паўгадзіны пасля яго заканчэння ў Беларусі быў абмежаваны доступ у інтэрнэт.

Праблемы пачаліся а 23.43, трансляцыя выступу дэмакратычнага лідара ў “Ютубе“ і на іншых платформах вялася з 23.48 да апоўначы, цяжкасці з доступам зніклі а 0.28.

На працягу 45 хвілін хуткасць інтэрнэту была зніжаная, у“ Ютуб ” можна было трапіць толькі праз VPN.

Праблемы з доступам у інтэрнэт назіраліся і ў папярэднюю навагоднюю ноч.

За 12 гадзін цяперашні навагодні зварот Ціханоўскай на яе ютуб-канале набраў 100 тыс.праглядаў. У леташняга відэапаслання 614 тыс. праглядаў, у звароту напярэдадні 2023 года — 526 тыс.

У Аляксандра Лукашэнкі няма свайго ютуб-канала. Яго выступленні рэтранслююць падкантрольныя СМІ на сваіх пляцоўках і ў тэлеэфіры.

Гл. таксама:

Лукашэнка прызнаў сваё дачыненне да блакавання інтэрнэту ў жніўні 2020 года, якое тады адмаўляў