23 студзеня, Позірк. Злачынныя дзеянні Аляксандра Лукашэнкі на прэзідэнцкай пасадзе да 2020 года неабходна кваліфікаваць на трох падставах, заявіў сябра Каардынацыйнай рады, юрыст Міхаіл Кірылюк 23 студзеня ў Варшаве на слуханнях КР аб прыцягненні Лукашэнкі да адказнасці.
Паводле слоў Кірылюка, як тэрарызм варта кваліфікаваць зьбіццё дэпутатаў Вярхоўнага Савета, якія праводзілі галадоўку ў 1995 годзе.
Таксама гаворка ідзе пра захоп улады неканстытуцыйным шляхам у перыяд 1996—2004 гадоў і злачынствах супраць бяспекі чалавецтва, перш за ўсё, у перыяды наступных прэзідэнцкіх выбарчых кампаній, заявіў юрыст (маюцца на ўвазе рэферэндумы аб пашырэнні паўнамоцтваў прэзідэнта 24 лістапада 1996 года і скасаванні абмежаванняў на колькасць тэрмінаў знаходжання на пасадзе прэзідэнта для аднаго чалавека 17 кастрычніка 2004 года. — “Позірк”.)
“Калі б я хацеў, каб з майго дакладу запомнілі два словы, я прапаную запомніць наступнае: адсутнасць адказнасці забівае“, — сказаў Кірылюк.
(Будзе дапоўнена.)
