1 лютага, Позірк. На 1,73% (з 3,4735 да 3,4134 рубля) знізіўся афіцыйны курс долара ЗША ў Беларусі сёлета ў студзені. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 31 студзеня 2025-га.
На першым месцы Расія, дзе долар афіцыйна патаннеў на 3,61% (са 101,6797 да 98,0062 рубля).
За Беларуссю: Казахстан — зніжэнне курсу на 0,81% (з 523,54 да 519,28 тэнге), Украіна — 0,51% (з 42,0390 да 41,8242 грыўны), Таджыкістан — 0,08% (з 10,9325 да 10,9242 самані), Латвія, Літва і Эстонія — 0,04% (з 0,9626 да 0,9622 еўра).
Амерыканская валюта падаражэла ў Грузіі — на 2,47% (з 2,8068 да 2,8761 лары), Малдове — на 1,07% (з 18,4791 да 18,6764 лея), Кыргызстане — на 0,52% (з 87 да 87,45 сома), Узбекістане — на 0,28% (з 12.920,48 да 12.957,01 сума) і Арменіі — на 0,20% (з 396,56 да 397,35 драма).
У Азербайджане афіцыйны курс амерыканскай валюты не мяняецца з 7 сакавіка 2018 года (1,7 маната), у Туркменістане — з 1 студзеня 2015-га (3,5 маната).
Аўтарызавацца
Забыліся пароль?
Выхад з профілю
