На мяжы з Польшчай пашкоджаны слуп з гербам Беларусі, распачатая крымінальная справа
3 лютага, Позірк. Па факце пашкоджання шчытка з выявай герба Беларусі, размешчанага на пагранічным слупе на мяжы з Польшчай, распачатая крымінальная справа паводле арт. 370 КК (знявага дзяржсімвалаў), паведамляе прэс-служба Следчага камітэта.
Згодна з інфармацыяй ведамства, пашкоджанне было выяўленае 29 студзеня ў Пружанскім раёне (Брэсцкая вобласць) паблізу заставы “Перароў”.
Паведамляецца, што на месцы здарэння працавала следча-аператыўная група. Вынятыя металічныя шарыкі, якімі, як мяркуецца, былі нанесены пашкоджанні.
У студзені 2022 года справа паводле аналагічнага артыкула ўзбуджалася па факце пашкоджання пагранічнага слупа і шчытка з выявай герба Беларусі ў Гродзенскім раёне паблізу заставы імя В. М. Усава.
Дзяржпагранкамітэт паведамляў пра падобны інцыдэнт на ўчастку Пінскага пагранатрада 11 верасня 2021 года. Пагранічнікі заставы “Сварынь” выявілі пашкоджанні пагранстолба і шчытка з гербам, нанесеныя, як мяркуецца, у выніку стрэлу з паляўнічай стрэльбы.
