У Гомельскай вобласці мінулай ноччу паўтарыўся рэкорд холаду 1900 года
12 траўня, Позірк. Над Беларуссю працягвае панаваць халоднае паветра. Сёмую ноч запар абнаўляюцца гістарычныя тэмпературныя мінімумы, сведчыць праведзены “Позіркам” аналіз аператыўных і архіўных даных Белгідрамета.
У Васілевічах (Гомельская вобласць) паўтарыўся антырэкорд, зафіксаваны 125 гадоў таму — 12 траўня 1900 года — 2,6 градуса марозу.
Перапісаныя лакальныя экстрэмумы на метэастанцыі “Палеская” ў Лунінецкім раёне Брэсцкай вобласці, дзе было халадней за ўсё (-3,5 градуса супраць -1,9 у 1980 годзе), у Ганцавічах, Лельчыцах, Баранавічах, Брагіне і Пружанах.
З пачатку траўня перакрыты 61 рэкорд холаду.
