Ва Украіне загінуў беларускі добраахвотнік Аляксей Аўдзей
18 траўня, Позірк. Пра гібель ва Украіне добраахвотніка Аляксея Аўдзея (пазыўны “Рыжы”) паведамляе тэлеграм-канал Беларускага добраахвотніцкага корпуса (БДК).
Гэта адбылося 16 красавіка “падчас выканання баявой задачы на Купянскім кірунку”, гаворыцца ў публікацыі.
“Эксцэнтрычны, гучны, рэзкі, шчыры, няспынны і адданы сваёй справе. “Рыжы” загінуў у баі, як таго і хацеў пры жыцці. Мы шануем тваю памяць і ганарымся, што ты аддана стаяў разам з намі ў шыхце”, — адзначае БДК.
Аўдзею было 26 гадоў.
Загінулы быў ураджэнцам Клецкага раёна (Мінская вобласць). У 2020 годзе ў Беларусі ўдзельнічаў у пратэстах супраць фальсіфікацыі прэзідэнцкіх выбараў і гвалту ўладаў. Быў затрыманы, неўзабаве эміграваў.
Пасля пачатку поўнамаштабнага расійскага ўварвання ва Украіну далучыўся да палка (тады батальёна) імя Кастуся Каліноўскага. Пазней перайшоў у БДК.
Паводле звестак СМІ, з пачатку поўнамаштабнай вайны ў баях супраць Расіі загінула не менш за 65 беларускіх добраахвотнікаў.
У баях за Украіну загінула беларуска Марыя Зайцава — удзельніца пратэстаў 2020 года
17 студзеня, Позірк. У баях супраць расійскіх акупацыйных войск ва Украіне загінула грамадзянка Беларусі Марыя Зайцава, паведамляе “Наша Ніва”. Гэта адбылося пад Бахмутам на паўднёвым усходзе Украіны, беларуска ваявала ў складзе 2-га Інтэрнацыянальнага легіёна. Адзначаецца, што цела ваеннаслужачай "застаецца ў …
