У апошнюю анамальна халодную ноч на беларускіх метэастанцыях зафіксавана пяць тэмпературных антырэкордаў
19 траўня, Позірк. Пяць тэмпературных антырэкордаў зафіксавана і тры паўторана ў апошнюю анамальна халодную ноч, сведчыць праведзены “Позіркам“ параўнальны аналіз аператыўных і архіўных звестак Белгідрамета.
Самая нізкая тэмпература адзначана на метэастанцыі “Палеская” ў Лунінецкім раёне — 1,2 градуса марозу. Тут паўтораны лакальны антырэкорд, які трымаўся з 19 траўня 2015 года.
У ноч на 20 траўня Белгідрамет прагназуе не ніжэй за 4 градусы цяпла, 21 і 22 траўня — не ніжэй за 3.
