У Барысаве дрэва, якое ўпала з-за непагадзі, разбіла вокны некалькіх кватэр пяціпавярхоўкі і пашкодзіла два аўтамабілі

19 чэрвеня, Позірк. У выніку непагадзі, якая абрынулася 19 чэрвеня на Барысаўскі і Пухавіцкі раёны Мінскай вобласці, упала два дрэвы, паведамляе прэс-служба Міністэрства па надзвычайных сітуацыях.

У прыватнасці, у Барысаве дрэва, якое ўпала на вуліцы Чапаева, “пашкодзіла два аўтамабілі і шкленне кватэр на першым, другім і трэцім паверхах шматкватэрнага жылога дома“.

Паводле папярэдніх звестак, ніхто не пацярпеў.

Праз неспрыяльныя з’явы надвор’я на 20 чэрвеня абвешчана штармавое папярэджанне — аранжавы ўзровень небяспекі. Паводле прагнозу Белгідрамета, чакаецца ўзмацненне паўночна-заходняга ветру, парывы якога будуць дасягаць 15-20 м/с.

Гл. таксама:

Праз непагадзь 8 і 9 чэрвеня парушалася электразабеспячэнне 72 паселішчаў Гомельскай вобласці