Колькасць дзяцей, якія загінулі ў ДТЗ, за год павялічылася на 57%
20 чэрвеня, Позірк. У дарожна-транспартных здарэннях на тэрыторыі Беларусі ў 2024 годзе загінула 22 дзіцяці — на 57,1% больш, чым за 2023-е (14), вынікае з праведзенага “Позіркам” аналізу даных Нацыянальнага статыстычнага камітэта.
Толькі ў Мінску, паводле афіцыйных даных, не было зафіксавана такіх трагедый. У Мінскай вобласці іх колькасць зменшылася з 7 да 3.
У іншых рэгіёнах колькасць такіх выпадкаў вырасла: у Брэсцкай вобласці — з 2 да 4, Віцебскай — з 2 да 5, Гомельскай — з 2 да 3, Гродзенскай — з 1 да 2, Магілёўскай — з 0 да 5.
