Дэфіцыт працоўнай сілы будзе тармазіць рост эканомікі Беларусі — ЕАБР
24 чэрвеня, Позірк. Пасля “істотнага росту” валавога ўнутранага прадукту ў 2023–2024 гадах — у сярэднім каля 4% за год — у 2025-м Беларусь захоўвае “падвышаныя тэмпы развіцця эканомікі”, пры гэтым рост фармуецца за кошт унутранага попыту, паведамілі 24 чэрвеня аналітыкі Еўразійскага банка развіцця (ЕАБР) на прэзентацыі макраэканамічнага прагнозу на 2025–2027 гады.
Адным з фактараў, які стрымлівае рост эканомікі, паводле іх сцвярджэнні, з’яўляецца дэфіцыт працоўнай сілы.
“Сёння беспрацоўе ў Беларусі складае нізкія 2,8% і знаходзіцца на гістарычным мінімуме, пры гэтым мы бачым, што колькасць вакансій устойліва расце. Гэта фактар, які будзе падтармажваць рост эканомікі”, — адзначылі эксперты банка.
ЕАБР чакае рост ВУП Беларусі па выніках 2025 года на ўзроўні 3%.
