За год адмоўнае сальда знешняга гандлю таварамі павялічылася ў 1,5 раза
5 верасня, Позірк. Знешнегандлёвы абарот тавараў Беларусі ў студзені — ліпені 2025 года склаў 48 млрд 796,8 млн долараў — на 0,2% больш, чым за аналагічны перыяд 2024-га (48 млрд 714,4 млн), сведчаць даныя Нацыянальнага статыстычнага камітэта.
Экспарт склаўся на ўзроўні 22 млрд 619,2 млн (23 млрд 195,9 млн; -2,5%), імпарт — 26 млрд 177,6 млн (25 млрд 518,5 млн; +2,6%). Адмоўнае сальда склала 3 млрд 558,4 млн (-2 млрд 322,6 млн; рост у 1,5 раза).
