У Лепельскім раёне патануў мужчына — адпачываў з сябрамі на беразе возера, а затым вырашыў паплаваць

26 красавіка, Позірк. Пра ўтапленне ў Лепельскім раёне (Віцебская вобласць) мужчыны 1957 года нараджэння паведамляе рэспубліканскае таварыства ратавання на водах (ТРВОД).

Цела загінулага было вынята з возера Лепельскае відавочцам увечары 25 красавіка.

“Ён адпачываў на берагавой лініі з сябрамі, пасля чаго вырашыў пераплысці на паўвостраў. Праплыўшы 20–30 метраў, знік пад вадой”, — гаворыцца ў паведамленні.

Паводле даных ТРВОД, у 2025 годзе зарэгістравана 492 здарэнні на вадаёмах, у тым ліку 54 — з непаўналетнімі (у 2024-м — 586 і 75 адпаведна; -16% і -28%).

Ад утаплення загінула 278 чалавек (368; -24,5%), у тым ліку 12 непаўналетніх (22; -45,5%).