Рассельгаснагляд забараніў увоз з Беларусі дзвюх партый харчавання

23 кастрычніка, Позірк. Аб забароне ўвозу на тэрыторыю Расіі дзвюх партый харчавання з Беларусі паведаміла Федэральная служба па ветэрынарным і фітасанітарным наглядзе (Рассельгаснагляд).

У Пскоўскай вобласці “прыпынена перамяшчэнне 1.700 кг гатовай малочнай прадукцыі”.

Паводле звестак ведамства, у перавозчыка “адсутнічалі ветэрынарныя суправаджальныя дакументы, якія пацвярджаюць паходжанне і бяспеку тавару” (масла сметанковае, смятана).

У Бранскай вобласці такіх жа пацвярджальных дакументаў не аказалася ў перавозчыка больш за 26 тыс. кукурузнай дзерці.

Абедзве партыі вернутыя ў Беларусь.

17 кастрычніка паведамлялася, што ў Смаленскай вобласці спыненая спроба нелегальнага ўвозу з Беларусі 20 т рыбнай прадукцыі, у Бранскай — больш за 2 т мяса невядомага паходжання.