“Экстрэмісцкім фарміраваннем” прызнана аб’яднанне беларусаў Куява-Памор’я

30 студзеня, Позірк. Арганізацыя “Беларусы Куява-Памор’я” 29 студзеня прызнана Міністэрствам унутраных спраў “экстрэмісцкім фарміраваннем”, вынікае з абноўленага пераліку на сайце ведамства.

Датычнымі да “фарміравання” названыя Глеб Вайкуль, Дзіяна Брылюк, Анастасія Дзічкоўская, Вітольд Яроцкі і Ягор Калейнік. “Экстрэмісцкімі” прызнаныя дзясяткі старонак арганізацыі і згаданых асоб у розных сацыяльных сетках.

Куяўска-Паморскае ваяводства знаходзіцца на поўначы Польшчы. Яго найбуйнейшымі гарадамі з’яўляюцца Быдгашч (месца знаходжання адміністрацыі) і Торунь (месца знаходжання ваяводскага сейміка).

У спісе “экстрэмісцкіх фарміраванняў”, які вядуць МУС і КДБ, цяпер 329 арганізацый.