Мінск і прадстаўніцтва МФЧК упершыню падпісалі план сумесных дзеянняў
5 сакавіка, Позірк. План сумесных мерапрыемстваў дзяржаўных і іншых арганізацый Беларусі і Кластэрнага прадстаўніцтва Міжнароднай федэрацыі таварыстваў Чырвонага Крыжа і Чырвонага Паўмесяца (ЧК і ЧП) у Расіі і Беларусі на 2026 год падпісаны 5 сакавіка, паведаміла Міністэрства замежных спраў.
Гэта зроблена па выніках сустрэчы намесніка міністра Ігара Сакрэты з кіраўніком прадстаўніцтва Франкам Морхаўэрам.
План сумесных дзеянняў беларускага боку з МФКК, як падкрэсліваецца ў рэлізе, падпісаны ўпершыню. Дакумент прадугледжвае “комплекс інфармацыйных і практычных мерапрыемстваў, накіраваных на вырашэнне сучасных выклікаў у сферы пераадолення надзвычайных сітуацый і міграцыі ў рэгіёне”.
На сустрэчы абмяркоўваліся “актуальныя пытанні супрацоўніцтва Беларусі і Федэрацыі”: “Падрабязна спыніліся на гуманітарнай сітуацыі ў рэгіёне і зонах узброеных канфліктаў”.
Міжнародная федэрацыя таварыстваў ЧКіЧП прыпыніла з 1 снежня 2023 года членства Беларускага Чырвонага Крыжа (БЧК) у арганізацыі, паколькі ў Мінску не выканалі яе патрабаванне вызваліць ад пасады генеральнага сакратара Дзмітрыя Шаўцова.
Прэтэнзіі ўзніклі з-за яго візітаў у акупаваныя Расіяй украінскія гарады Луганск і Данецк, выкарыстанне сімволікі расійскіх акупантаў, заяў аб перамяшчэнні ўкраінскіх дзяцей.
Латвія ўпершыню ў сакавіку зафіксавала спробы мігрантаў незаконна перасекчы мяжу з тэрыторыі Беларусі
3 сакавіка, Позірк. За мінулыя суткі, 2 сакавіка, Латвія зафіксавала 5 спробаў мігрантаў незаконна перасекчы мяжу з тэрыторыі Беларусі, сведчаць даныя Дзяржаўнай памежнай аховы гэтай балтыйскай дзяржавы. Праведзены "Позіркам" аналіз статыстычных даных памежнага ведамства паказаў, што гэта першы выпадак у …
