Ціханоўская ўдзельнічала ў Варшаве ў афіцыйных мерапрыемствах з нагоды Дня Канстытуцыі Польшчы
3 траўня, Позірк. Прэс-служба дэмакратычнага лідара Святланы Ціханоўскай паведаміла пра яе ўдзел 3 траўня ў афіцыйных мерапрыемствах у Варшаве з нагоды Дня Канстытуцыі Польшчы.
Адзначаецца, што на запрашэнне прэзідэнта караля Наўроцкага палітык прысутнічала на цырымоніі ўзнагароджання Анджэя Пачобута ордэнам Белага Арла — вышэйшай дзяржаўнай узнагароды Польшчы.
“Анджэй Пачобут аб’ядноўвае беларускі і польскі народы. Ён — сімвал нязломнасці і мужнасці. Ён прайшоў праз катаванні і застаўся верны сваім прынцыпам. Пачобут — прадстаўнік польскай меншасці ў Беларусі, якая стагоддзямі пражывала на нашай зямлі і з’яўляецца неад’емнай часткай нашай культуры, гісторыі і будучыні. Мы цэнім Пачобута як у Польшчы, так і ў Беларусі, і ён як ніхто іншы заслугоўвае гэтай узнагароды”, — заявіла Ціханоўская.
Пасля цырымоніі ўзнагароджання дэмлідар, а таксама намеснік кіраўніка Аб’яднанага пераходнага кабінета, кіраўнік Народнага антыкрызіснага ўпраўлення Павел Латушка разам прадстаўнікамі польскіх уладаў “прайшлі ўрачыстым маршам па цэнтры Варшавы”, Ціханоўская “прыняла ўдзел у мерапрыемствах у Прэзідэнцкім палацы”.
Паводле слоў палітыка, Канстытуцыя Польшчы — першая ў Еўропе — “мае значэнне і для беларусаў”: “Гэта частка агульнай еўрапейскай спадчыны”.
Ціханоўская адзначыла, што “гэты дакумент заклаў прынцыпы, за якія беларусы змагаюцца і сёння: абмежаваную ўладу, адказнасць перад грамадствам і вяршэнства права”.
“Сёння, калі беларусы змагаюцца за свае правы і годнасць, гэтыя каштоўнасці гучаць асабліва моцна і застаюцца актуальнымі”, — падкрэсліла яна.
Наўроцкі ўручыў Пачобуту ордэн Белага Арла — найвышэйшую дзяржаўную ўзнагароду Польшчы (дапоўнена)
Дададзеныя абзацы 7–8. 3 траўня, Позірк. Цырымонію ўручэння ордэна Белага Арла правёў прэзідэнт Польшчы Караль Наўроцкі. Цырымонія прайшла ў Каралеўскім замку ў Варшаве і была прымеркаваная да Дня Канстытуцыі Польшчы, які адзначаецца 3 траўня. Сярод узнагароджаных ордэнам быў журналіст, былы палітвязень Анджэй …
