43-гадовага жыхара Кобрына, які знік у Расіі, не могуць знайсці два тыдні

17 траўня, Позірк. Пра знікненне ў Расіі 43-гадовага Аляксандра Клачковіча паведамляе пошукава-выратавальны атрад “Анёл”.

Адзначаецца, што мужчына пражывае ў Кобрыне (Брэсцкая вобласць), у Расіі знаходзіўся на заробках (меркавана ў пасёлку Загаранскі Шчолкаўскага раёна Маскоўскай вобласці).

“4 траўня 2026 года перастаў выходзіць на сувязь, па месцы пражывання адсутнічае. Да цяперашняга часу яго месцазнаходжанне не ўстаноўленае”, — гаворыцца ў паведамленні.

Рост Клачковіча — 175–180 см, ён шчыльнага целаскладу, вочы карыя, валасы цёмныя.

Быў апрануты ў працоўны касцюм сіняга колеру.

Гл. таксама:

У Заходняй Дзвіне ратавальнікі шосты дзень шукаюць “меркавана загінулага” мужчыну