Ад пачатку года ў выніку пажараў загінула 310 чалавек

13 чэрвеня, Позірк. Ад пачатку 2026 года ў выніку пажараў загінула 310 чалавек — як непасрэдна на месцы здарэння, так і пазней ад атрыманых траўмаў і апёкаў, вынікае са статыстычных даных на сайце Міністэрства па надзвычайных сітуацыях.

Праведзены “Позіркам” аналіз паказаў, што ў гадавым вымярэнні колькасць ахвяр пажараў вырасла на 5,1% (за аналагічны леташні перыяд — 295), траўмаваных людзей — на 37,4% (з 254 за няпоўныя 5,5 месяца 2025 года да 349 за той жа перыяд 2026-га), выратаваных — на 41,9% (з 210 да 298).

З 1 студзеня па ранак 13 чэрвеня ў Беларусі здарылася 3.652 пажары — на 12,9% больш, чым за такі ж адрэзак часу у 2025 годзе (3.236).