У Мінску мінулай ноччу мужчына загінуў пад коламі цягніка

19 чэрвеня, Позірк. Пра гібель пад коламі грузавога цягніка ў Мінску 26-гадовага мужчыны паведаміла сталічная міліцыя.

Трагедыя здарылася 19 чэрвеня прыкладна ў 01:20 паблізу прыпыначнага пункта “Інстытут культуры“.

Паведамляецца, што, “паводле папярэдняй інфармацыі, смяротнае траўмаванне адбылося з прычыны парушэння правілаў пераходу чыгуначных шляхоў. Малады чалавек быў у капюшоне”.

Мінскі аддзел унутраных спраў на транспарце праводзіць праверку.