ДТЗ у Магілёўскім раёне — “Мэрсэдэс” з’ехаў у кювет і перакуліўся, шпіталізаваны кіроўца
12 ліпеня, Позірк. Аб дарожна-транспартным здарэнні ў Магілёўскім раёне паведамляе УУС Магілёўскага аблвыканкама.
Адзначаецца, што 12 ліпеня на 185-м кіламетры аўтадарогі М-4 Мінск — Магілёў каля вёскі Княжыцы 26-гадовы жыхар абласнога цэнтра, рухаючыся на грузавым аўтамабілі “Мэрсэдэс”, не справіўся з кіраваннем.
“У выніку транспартны сродак з’ехаў у правы па ходзе руху кювет і перакуліўся. Мужчына з траўмамі шпіталізаваны”, — гаворыцца ў паведамленні.
Дзяржаўтаінспекцыя заклікала кіроўцаў “ўлічваць умовы надвор’я і тэхнічныя характарыстыкі машыны”.
19-гадовы матацыкліст і 70-гадовая жанчына шпіталізаваныя пасля ДТЗ у Мінскай вобласці
12 ліпеня, Позірк. Аб двух дарожна-транспартных здарэннях, якія адбыліся ў Мінскай вобласці 11 ліпеня, паведамляе Дзяржаўтаінспекцыя рэгіёна. Адна з аварый здарылася каля 12:18 на 11-м кіламетры дарогі H-8569 Капыль — Нясвіж. На тэрыторыі Капыльскага раёна 74-гадовы мінчанін, кіруючы аўтамабілем "Ліфан", …
