Мінпрацы: З 1 жніўня памер дапамогі па доглядзе дзіцяці да трох гадоў павялічыцца на 5,7%

24 ліпеня, Позірк. З 1 жніўня памер дапамогі па доглядзе дзіцяці ва ўзросце да трох гадоў будзе павялічаны на 5,7%, паведамляе Міністэрства працы і сацыяльнай абароны.

Гэты паказчык разлічаны зыходзячы з сярэднямесячнай заработнай платы (СЗП) за другі квартал 2026 года.

Дапамога складзе: на першае дзіця — 1.057,7 рубля (рост на 56,84 рубля), другога і наступных дзяцей — 1.208,8 (+64,96), дзіцяці-інваліда — 1.359,9 (+73,08).

Такі памер дапамогі ўстаноўлены да 31 студзеня 2027 года, падкрэслілі ў ведамстве.

Дзеючы памер дапамогі ўведзены з 1 лютага 2026 года.

Паводле звестак Белстата, намінальная налічаная сярэдняя заработная плата работнікаў Беларусі ў чэрвені склала 3.104,1 рубля — на 100,6 рубля больш (+3,3%), чым у траўні (3.003,5).