У Брэсце сутыкнуліся матацыкл і мапед — загінулі тры чалавекі
1 жніўня, Позірк. Аб смяротным дарожна-транспартным здарэнні ў Брэсце паведамляе Міністэрства ўнутраных спраў.
Аварыя адбылася напярэдадні вечарам. Каля 22:30, адзначае ведамства, 40-гадовы мясцовы жыхар за рулём матацыкла “Хонда” рухаўся па вуліцы Маскоўскай у напрамку выезду з Брэста. Ён здзейсніў сутыкненне з мапедам “Вайпер”, які рухаўся ў спадарожным кірунку, пад кіраваннем 45-гадовага жыхара Брэсцкага раёна.
Абодва кіроўцы і 32-гадовая жанчына — пасажыр матацыкла загінулі.
На месцы здарэння працуе следча-аператыўная група. Высвятляюцца прычыны і абставіны ДТЗ.
Адзначаецца, што па ўказанні міністра ўнутраных спраў Івана Кубракова на месца здарэння адправіўся часова выконваючы абавязкі начальніка ДАІ Андрэй Гаркуша.
