Жыхар Кобрынскага раёна памёр ад перадазіроўкі алкаголю — экспертыза паказала 7,2 праміле
7 жніўня, Позірк. “Смяротны зыход у выніку цяжкага алкагольнага атручвання” зафіксаваны ў Кобрынскім раёне (Брэсцкая вобласць), паведамляе Дзяржаўны камітэт судовых экспертыз (ДКСЭ).
Адзначаецца, што цела мужчыны 1977 года нараджэння знайшла яго маці, яна выклікала медыкаў. Брыгада хуткай дапамогі, якая прыбыла, канстатавала смерць.
“Паводле заключэння эксперта, смерць мужчыны наступіла ад вострага атручвання этылавым спіртам, — гаворыцца ў паведамленні. — Яго канцэнтрацыя ў крыві склала 7,2 праміле. У пераводзе на моцныя алкагольныя напоі гэта не менш за 1,0–1,4 літра гарэлкі, выпітыя за адносна невялікі прамежак часу”.
Паводле даных ДКСЭ, канцэнтрацыя этылавага спірту ў крыві ўдвая перавысіла смяротны парог.
Гл. таксама:
Тры чалавекі памерлі ў Быхаве — следства мяркуе атручэнне сурагатным алкаголем
Мужчына і дзве жанчыны памерлі ў Буда-Кашалёўскім раёне ад атручвання сурагатным алкаголем
