Матацыкліст шпіталізаваны пасля ДТЗ пад Брэстам
12 жніўня, Позірк. Аб дарожна-транспартным здарэнні з удзелам матацыкла ў Брэсцкім раёне паведаміла УУС мясцовага аблвыканкама.
Як адзначаецца, 12 жніўня каля поўдня 25-гадовы брэстчанін рухаўся ў бок абласнога цэнтра па аўтадарозе М1/Е30 Брэст — Мінск — мяжа РФ. На 21-м кіламетры названай дарогі ён “не справіўся з кіраваннем матацыкла “Харлей Дэвідсан” і дапусціў яго перакульванне”.
Мужчына атрымаў траўмы і быў шпіталізаваны.
Раней Дзяржаўтаінспекцыя паведамляла, што з 6 па 16 жніўня ў краіне праходзіць прафілактычная акцыя “Матацыкліст”.
“Усяго за чатыры дні, з 6 па 9 чысла, выяўлена каля 748 парушэнняў, учыненых кіроўцамі матацыклаў. У стане алкагольнага ап’янення затрымана 10 чалавек, адхілена ад кіравання 57 бяспраўнікаў, 74 матацыклы змешчаныя на ахоўныя стаянкі”, — адзначалася ў прэс-рэлізе.
Гл. таксама:
У Бялыніцкім раёне 22-гадовы матацыкліст загінуў ад сутыкнення з грузавіком КамАЗ
У Брэсце сутыкнуліся матацыкл і мапед — загінулі тры чалавекі
