У Слуцкім раёне агнём пашкоджаны прэс-падборшчык
31 жніўня, Позірк. Чарговае ўзгаранне зафіксавана на аб’екце аграпрамысловага комплексу, вынікае з апублікаванай 31 жніўня сутачнай зводкі Міністэрства па надзвычайных сітуацыях.
Прычэпны прэс-падборшчык быў пашкоджаны агнём падчас правядзення сельскагаспадарчых работ у полі ля вёскі Новыя Рачкавічы (Слуцкі раён Мінскай вобласці). Характар пашкоджанняў не ўдакладняецца.
Папярэдні раз пра пажары сельгастэхнікі паведамлялася 20 жніўня. На полі ля вёскі Асавая (Маларыцкі раён Брэсцкай вобласці) таксама гарэў прэс-падборшчык. І тады характар пашкоджанняў не ўдакладняўся.
Ад пачатку жніўня пацярпела 17 адзінак сельгастэхнікі.
Згодна з праведзеным “Позіркам” аналізам даных МНС, ад пачатку года праз пажары пацярпела або была знішчана прынамсі 33 адзінкі сельгастэхнікі.
У 2025 годзе пацярпела або было знішчана не менш за 53 адзінкі. Гэта на 27,4% менш, чым за 2024 год (мінімум 73).
Намеснік начальніка галоўнага ўпраўлення нагляду і прафілактыкі МНС Дзяніс Жукоўскі 20 ліпеня паведаміў, што “найбольш распаўсюджанымі недахопамі ў забеспячэнні пажарнай бяспекі [падчас сельгасработ] з’яўляюцца незабеспячэнне гатоўнасці першасных сродкаў супрацьпажарнай абароны”: “У гэтым годзе зафіксавана ўжо 228 такіх фактаў”.
Акрамя таго, выяўлена 63 факты “незабеспячэння суправаджэння збожжаўборачнай тэхнікі пажарнай аварыйна-выратавальнай альбо іншай прыстасаванай для тушэння пажараў тэхнікай”.
