Рознічны тавараабарот за восем месяцаў вырас на 8,4%
16 верасня, Позірк. У студзені — жніўні 2026 года рознічны тавараабарот склаў 75,5 млрд рублёў, павялічыўшыся на 8,4% у супастаўных цэнах да аналагічнага перыяду 2025-га, сведчаць даныя Нацыянальнага статыстычнага камітэта.
У студзені рост быў на ўзроўні 1,2%, студзені — лютым — 1,6%, студзені — сакавіку — 6%, студзені — красавіку — 6,2%, студзені — траўні — 7,1%, студзені — чэрвені — 7,5%, студзені — ліпені — 8,1%.
Тавараабарот у сферы грамадскага харчавання за шэсць месяцаў вырас у гадавым выражэнні на 1,8% (месяцам раней — +1,7%) — да 5,3 млрд рублёў.
Рознічны тавараабарот арганізацый гандлю, на які прыйшлося 96,3% (месяцам раней 96,3%) усяго рознічнага тавараабароту, вырас на 8,9% — да 72,7 млрд рублёў (+8,6%).
Аптовы тавараабарот вырас на 0,2% — да 121,1 млрд рублёў (-0,1%).
Раней паведамлялася, што спажывецкія цэны ў жніўні 2026 года знізіліся на 0,1%. Харчовыя тавары за месяц патаннелі на 0,8%, нехарчовыя — падаражэлі на 0,5%, паслугі — на 0,3%.
У параўнанні са снежнем 2025-га рост цэн склаў 3,1%. Харчовыя тавары сталі даражэйшымі на 0,7%, нехарчовыя — на 2,8%, паслугі — на 7,6%.
У гадавым вымярэнні (да жніўня 2025-га) цэны сталі вышэйшыя на 4,5%: на харчовыя тавары — на 3,1%, нехарчовыя — на 3,2%, паслугі — на 8,7%.
У студзені — ліпені 2026 года банкі, якія працуюць у Беларусі, выдалі фізічным асобам крэдытаў (у нацыянальнай і замежнай валютах) на 10 млрд 738,3 млн рублёў (тут і далей у эквіваленце) — на 16% больш, чым за тыя ж месяцы 2025-га (9 млрд 260,3 млн), сведчыць праведзены “Позiркам” аналіз звестак Белстата.
На спажывецкія патрэбы выдадзена крэдытаў на 8 млрд 567,6 млн рублёў (7 млрд 299,7 млн; +17,4% у гадавым вымярэнні), на фінансаванне нерухомасці — на 2 млрд 170,8 млн (1 млрд 960,7 млн; +10,7%).
Запазычанасць фізічных асоб па крэдытах на 1 жніўня 2026 года склала 32 млрд 346,6 млн рублёў (год таму — 28 млрд 192,3 млн; +14,7%): па спажывецкіх — 13 млрд 380,7 млн (11 млрд 113,2 млн; +20,4%), на фінансаванне нерухомасці — 18 млрд 939,6 млн (17 млрд 43,6 млн; +11,1%).
Пратэрмінаваная запазычанасць дасягнула 58 млн рублёў (48 млн; +20,8%): па спажывецкіх крэдытах — 56,7 млн (47,1 млн; +20,4%), на фінансаванне нерухомасці — 1,3 млн (0,9 млн; +44,4%).
Нацбанк знізіў на верасень 2026 года разліковыя велічыні стандартнай рызыкі. У прыватнасці, стаўкі для новых крэдытаў фізічным асобам (за выключэннем ільготных), зменшыліся з 17,83% да 17,65%, для новых тэрміновых безадзыўных банкаўскіх укладаў (дэпазітаў) фізічных асоб у рублях з тэрмінам вяртання ад года да трох гадоў — з 12,9% да 12,6%, для новых тэрміновых безадзыўных банкаўскіх укладаў (дэпазітаў) фізічных асоб у рублях з тэрмінам вяртання больш за тры гады — з 14,62% да 14,5%.
