За тыдзень беларускім бязвізам скарысталіся 4,9 тыс. жыхароў краін Еўропы
5 кастрычніка, Позірк. З 28 верасня па 5 кастрычніка ў Беларусь у бязвізавым парадку ўехала 4.896 жыхароў еўрапейскіх дзяржаў (тыднем раней — 5.441), сведчыць праведзены “Позіркам” аналіз даных Дзяржаўнага пагранічнага камітэта.
За мінулы тыдзень у Беларусь прыбыло 2.159 грамадзян Літвы (тыднем раней — 2.481), 1.110 грамадзян і неграмадзян Латвіі (1.265), 887 грамадзян Польшчы (891), 740 грамадзян іншых еўрапейскіх дзяржаў са спіса пашыранага бязвізу (804).
З сярэдзіны вясны 2022 года Беларусь наведала 1.448.004 жыхары еўрапейскіх краін. З Латвіі прыбыло 459.237 замежнікаў, Літвы — 730.969, Польшчы — 163.560. У рамках пашыранага бязвізу для 35 еўрапейскіх дзяржаў з сярэдзіны лета 2024 года ў Беларусь уехала 94.238 чалавек.
Для жыхароў Літвы і Латвіі бязвізавы рэжым дзейнічае з 15 красавіка 2022 года, Польшчы — з 1 ліпеня таго ж года, яшчэ 35 краін Еўропы — з 19 ліпеня 2024-га.
9 снежня 2025 года Аляксандр Лукашэнка падоўжыў бязвізавы ўезд для грамадзян 38 еўрапейскіх краін да 31 снежня 2026 года ўключна.
Пашыраны бязвіз тычыцца жыхароў Аўстрыі, Андоры, Бельгіі, Балгарыі, Босніі і Герцагавіны, Ватыкана, Вялікабрытаніі, Венгрыі, Германіі, Грэцыі, Даніі, Ірландыі, Ісландыі, Іспаніі, Італіі, Кіпра, Ліхтэнштэйна, Люксембурга, Мальты, Манака, Нідэрландаў, Нарвегіі, Партугаліі, Румыніі, Сан-Марына, Паўночнай Македоніі, Славакіі, Славеніі, Фінляндыі, Францыі, Харватыі, Чэхіі, Швейцарыі, Швецыі і Эстоніі.
Большасць гэтых краін улады лічаць “недружалюбнымі” за тое, што яны ўвялі санкцыі або далучыліся да іх.
У 2025 годзе зафіксавана ў 1,6 разу больш паездак у рамках уязнога турызму, чым годам раней
24 верасня, Позірк. 7,4 млн паездак было зафіксавана ў 2025 годзе ў рамках уязнога турызму — у 1,6 разу больш, чым у 2024-м (4,7 млн), вынікае з праведзенага "Позіркам" аналізу даных Нацыянальнага статыстычнага камітэта. Унутраны турызм вырас у 3,1 разу …
