Літва ўвосень правядзе вучэнні па падрыхтоўцы да магчымай аварыі на БелАЭС

6 верасня, Позірк. Міністэрства ўнутраных спраў Літвы плануе правесці ўвосень шматфункцыянальныя вучэнні “ў рамках падрыхтоўкі да магчымай аварыі на БелАЭС”, паведаміла кіраўнік ведамства Агне Білатайце.

Паводле яе слоў, будзе перагледжаны план падрыхтоўкі да “магчымай радыёлагічнай або ядзернай аварыі на АЭС у Астраўцы [Гродзенская вобласць], а таксама “ўведзена ў эксплуатацыю сістэма апавяшчэння насельніцтва”.

Міністр падкрэсліла, што “асвета насельніцтва” і “гатоўнасць да надзвычайных сітуацый” застануцца “аднымі з галоўных прыярытэтаў”.