Еўрапарламент заклікаў да неадкладнага вызвалення Статкевіча і іншых беларускіх палітвязняў (дапоўнена)
14 снежня, Позірк. “Неадкладнага і безумоўнага вызвалення Мікалая Статкевіча і ўсіх 1.500 палітычных зняволеных” запатрабавалі дэпутаты Еўрапейскага парламента ў прынятай 14 снежня рэзалюцыі “Нявызначанасць адносна месцазнаходжання Мікалая Статкевіча і нядаўнія напады на членаў сем’яў беларускіх палітыкаў і актывістаў”.
Парламентарыі заклікалі зняць з палітвязняў усе абвінавачанні,”забяспечыць іх поўную рэабілітацыю і фінансавую кампенсацыю за шкоду, прычыненую ў выніку пазбаўлення волі”.
ЕП “настойвае на тым, каб зняволеныя атрымлівалі адпаведную медыцынскую дапамогу і мелі доступ да адвакатаў, сем’яў, дыпламатаў і міжнародных арганізацый, якія могуць ацаніць іх стан і надаць неабходную дапамогу”, а таксама “шкадуе з нагоды бяздзейнасці Міжнароднага камітэта Чырвонага Крыжа ў Беларусі”.
У рэзалюцыі асуджаюцца “неабгрунтаваныя, палітычна матываваныя прысуды і рэпрэсіі супраць беларускіх дэмакратычных сіл, грамадзянскай супольнасці, праваабаронцаў, прафсаюзных дзеячаў, журналістаў, духавенства, палітычных актывістаў і членаў іх сем’яў”.
ЕП “застаецца цвёрда салідарным з народам, дэмакратычнай апазіцыяй і грамадзянскай супольнасцю Беларусі ў іх барацьбе за свабодную, суверэнную і дэмакратычную Беларусь”.
Еўрадэпутаты заклікалі ЕС і яго дзяржавы-члены “падтрымліваць палітычных зняволеных і іх сем’і, пры любой магчымасці патрабаваць іх неадкладнага вызвалення, выклікаць пакінутых дыпламатычных прадстаўнікоў рэжыму і патрабаваць доказаў стану зняволеных і іх месцазнаходжання, выдаваць гуманітарныя візы і эфектыўна вырашаць праблему безграмадзянства, падаючы рэабілітацыю, практычную і фінансавую падтрымку, а таксама узмацняючы ціск на рэжым з дапамогай новых санкцый”.
Таксама Еўрапарламент заклікаў членаў ЕС “забяспечыць пастаяннае дакументаванне міжнародных злачынстваў і дамагацца прыцягнення вінаватых да адказнасці на ўзроўні ААН шляхам расследавання сітуацыі з правамі чалавека і захавання мандата спецыяльнага дакладчыка ААН па сітуацыі з правамі чалавека ў Беларусі.”
Еўрадэпутаты паўторна заклікалі да”судовага пераследу і пакарання ўсіх, хто нясе адказнасць за парушэнні правоў чалавека і ваенныя злачынствы, учыненыя рэжымам Лукашэнкі”.
У прэамбуле дакумента адзначаецца, што рэзалюцыя прымаецца з улікам пагаршэння здароўя Мікалая Статкевіча, адсутнасці інфармацыі аб ім і доступу адвакатаў і сям’і да яго на працягу больш за 300 дзён. Апазіцыйны палітык, лаўрэат прэміі Сахарава асуджаны на 14 гадоў пазбаўлення волі і ўтрымліваецца ў адзіночнай камеры калоніі строгага рэжыму.
Звяртаецца ўвага на “падобныя выпадкі ізаляцыі такіх вядомых беларускіх палітвязняў, як Алесь Бяляцкі, Марыя Калеснікава, Сяргей Ціханоўскі, Віктар Бабарыка, Максім Знак, Павел Севярынец, Паліна Шарэнда-Панасюк, Анджэй Пачобут і Ігар Лосік”.
Таксама прэамбула змяшчае спасылку на справаздачу вярхоўнага камісара ААН па правах чалавека ад 3 лютага 2023 года, дзе адзначаны “жорсткія, нечалавечыя і зневажальныя ўмовы ўтрымання зняволеных, у тым ліку катаванні, непрадастаўленне ім неабходнай своечасовай медыцынскай дапамогі і юрыдычнай кансультацыі”.
Адзначаецца, што”праваабаронцы, прадстаўнікі дэмакратычнай апазіцыі і грамадзянскай супольнасці, сваякі актывістаў падвяргаюцца рэпрэсіям з боку рэжыму Лукашэнкі і вымушаныя пакінуць краіну”.
За прыняцце рэзалюцыі прагаласавала 489 еўрадэпутатаў пры 7 супраць і 42 тых, хто ўстрымаўся.
“Можна сказаць, што гэта была наша сумесная праца — дэмакратычных сіл і еўрапарламентарыяў. Ад Статкевіча і пра Статкевіча няма навінаў ужо больш за 300 дзён. А цяпер яшчэ пачалася новая хваля ператрусаў. Мы звязаліся з еўрапейскімі калегамі, і яны ў тэрміновым парадку выпрацавалі рэзалюцыю. Гэта важная сімвалічная падтрымка”, — заявіў “Позірку” галоўны дарадца беларускага дэмакратычнага лідара Франак Вячорка.
Папярэдняя рэзалюцыя Еўрапейскага парламента, прысвечаная сітуацыі ў Беларусі, была прынятая 13 верасня.
- ЭканомікаНа фоне імкнення ўладаў скараціць імпарт памідораў у міжсезонне іх ураджайнасць у цяпліцах знізіласяМатэрыял даступны толькі падпісчыкам ПОЗІРК+
- Палітыка
Лукашэнка праз 13 гадоў зноў назваў "паняццямі" міжнародныя стандарты правядзення выбараў
- ЭканомікаЗнешняя крэдыторская запазычанасць арганізацый за 12 месяцаў вырасла на 22,6% — БелстатМатэрыял даступны толькі падпісчыкам ПОЗІРК+
- ЭканомікаНацбанк другі месяц не мяняе разліковыя велічыні стандартнай рызыкіМатэрыял даступны толькі падпісчыкам ПОЗІРК+
- Грамадства
У жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў
- Палітыка
Еўрапарламент заклікаў ЕС пашырыць санкцыі і працаваць над прыцягненнем рэжыму Лукашэнкі да адказнасці
- ПалітыкаВячорка: Еўрапарламент даў моцны сігнал Лукашэнку, што свет не забываецца на палітвязняўМатэрыял даступны толькі падпісчыкам ПОЗІРК+
- ЭканомікаБудаўніцтва жылля з дзяржпадтрымкай для тых, хто мае патрэбу, скарацілася на 22,6%Матэрыял даступны толькі падпісчыкам ПОЗІРК+
- ЭканомікаДолар і юань падаражэлі на біржавых таргах 19 верасняМатэрыял даступны толькі падпісчыкам ПОЗІРК+
- Палітыка
Еўрапарламент прыняў рэзалюцыю аб становішчы палітвязняў у Беларусі
- Палітыка
Ціханоўская намінуе на пасаду прадстаўніка АПК па сацыяльнай палітыцы Вольгу Зазулінскую
- ГрамадстваУ жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Ціханоўская: Бел-чырвона-белы сцяг ізноў будзе лунаць над нашай краінай як сімвал вольнай Беларусі
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна