Ціханоўская назвала “абразай чалавечнасці” ранішні ракетны ўдар Расіі па ўкраінскіх гарадах

29 снежня, Позірк. Беларускі дэмакратычны лідар Святлана Ціханоўская асудзіла масіраваны ракетны ўдар Расіі па ўкраінскіх гарадах раніцай 29 снежня.
“Мае думкі з адважным народам Украіны, — напісала палітык на сваёй старонцы ў Х. — Мы павінны зрабіць усё магчымае, каб дапамагчы Украіне выйграць гэтую вайну і спыніць расійскую тэрарыстычную агрэсію. Гэтыя злачынствы не будуць забытыя”.
“Па меры таго як з’яўляюцца ўсё новыя падрабязнасці ранішняй расійскай атакі, цэллю якой сталі прыватныя дамы, гандлёвы цэнтр і нават радзільнае аддзяленне, я магу назваць гэтую агрэсію толькі абразай чалавечнасці. Я ад усёй душы спачуваю ахвярам і іх сем’ям. Мы непахісна салідарныя з Украінай”, — дадала Ціханоўская.
Паводле даных агенцтва “Укрінфарм”, раніцай 29 снежня РФ здзейсніла адзін з самых масіраваных паветраных нападаў. Украінскія войскі знішчылі 27 дронаў-камікадзэ і 87 крылатых ракет.
У Дняпры загінула 5 чалавек, Запарожжы — 4, Кіеве, Адэсе і Харкаве — па 3, Львове — 1, ва ўсіх гэтых гарадах дзясяткі пацярпелых.

- ПалітыкаХроніка палітычных рэпрэсій за 14–16 лістапада 2026 годаМатэрыял даступны толькі падпісчыкам ПОЗІРК+
- Палітыка, Эканоміка
- Грамадства
- Эканоміка
- ЭканомікаЗа пяць гадоў запасы прампрадукцыі на складах выраслі больш чым удвая (падрабязна)Матэрыял даступны толькі падпісчыкам ПОЗІРК+
- Бяспека, Палітыка
- Палітыка, Эканоміка
- Грамадства, Палітыка
- Грамадства
- Грамадства, Палітыка
- Грамадства, Палітыка
- Грамадства
- Грамадства
- Грамадства
- Грамадства, Палітыка
- Грамадства
- Грамадства
- Палітыка, Эканоміка
- Грамадства
- Грамадства


