Долар падаражэў на апошніх таргах тыдня
22 сакавіка, Позірк. Амерыканская валюта падаражэла на апошніх таргах тыдня на Беларускай валютна-фондавай біржы.
Курс долара вырас да 3,2455 рубля (+0,0097, +0,3%).
Юань патаннеў да 4,4584 рубля за 10 (-0,0213, -0,48%), расійскі рубель — да 3,5051 за 100 (-0,002, -0,01%), еўра — да 3,5145 (-0,0196, -0,55%),
На працоўным тыдні (18–22 сакавіка) курс долара вырас на 0,41% (з 3,2321 да 3,2455); юань патаннеў на 0,48% (з 4,4801 да 4,4584 за 10), еўра — на 0,44% (з 3,53 да 3,5145), расійскі рубель — на 0,43% (з 3,5201 да 3,5051 за 100).
Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца).
За 2023 год яго каціроўка павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам“ параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).
