Кіраўнік МЗС Латвіі заклікала працягнуць ціск на беларускі рэжым дзеля вызвалення ўсіх палітвязняў

5 ліпеня, Позірк. Пра неабходнасць працягнуць міжнародны ціск на беларускі рэжым для вызвалення ўсіх палітвязняў заявіла міністра замежных спраў Латвіі Байба Бражэ на сустрэчы са Святланай Ціханоўскай.
Перамовы адбыліся 4 ліпеня ў Рызе падчас двухдзённага візіту беларускага дэмакратычнага лідара ў Латвію.
Сваю пазіцыю Бражэ выказала ў сувязі з вызваленнем першых палітвязняў, якое анансаваў 2 ліпеня Аляксандр Лукашэнка.
Бакі абмеркавалі сітуацыю ў Беларусі, у тым ліку рэпрэсіі, якія працягваюцца ў дачыненні да актывістаў грамадзянскай супольнасці і дэмакратычнай апазіцыі, паведамляе прэс-служба латвійскага МЗС. Міністр “пацвердзіла непахісную падтрымку Латвіяй намаганняў беларускай апазіцыі па стварэнні свабоднай і дэмакратычнай Беларусі ў Еўропе”.
Адзначаецца, што Ціханоўская “высока ацаніла цвёрдую пазіцыю Латвіі ў дачыненні да рэпрэсій з боку рэжыму Лукашэнкі, яго ролі ў выкарыстанні нелегальнай міграцыі і падтрымкі расійскай агрэсіі супраць Украіны”. Палітыкі “пагадзіліся з неабходнасцю ўзмацніць і сінхранізаваць рэжым санкцый ЕС супраць Беларусі з санкцыямі, накіраванымі супраць Расіі”.
5 ліпеня беларускі дэмлідар возьме ўдзел у дыялогавым фестывалі LAMPA. Разам з парламенцкім сакратаром МЗС Латвіі Дацэ Мелбардэ (прызначана на пасаду сёлета ў траўні пасля пяці гадоў працы дэпутатам Еўрапарламента) яна выступіць на дыскусіі “Балтыйскія краіны і чацвёртая сястра”. Тэма — нацыянальная ідэнтычнасць і палітычны выбар, паведамляе знешнепалітычнае ведамства.
- Палітыка
- Грамадства, Палітыка
- Палітыка
- ГрамадстваЛік рахункаў "Сямейны капітал" за год павялічыўся на 6,6%Матэрыял даступны толькі падпісчыкам ПОЗІРК+
- Грамадства, Палітыка
- Грамадства, Палітыка
- Палітыка
- Эканоміка
- ГрамадстваУ Беларусі зафіксаваны першы выпадак гібелі дзіцяці ад вэйпа — МУС (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Грамадства, Палітыка
- Грамадства
- Грамадства, Эканоміка
- Эканоміка
- ЭканомікаСёмы месяц запар назіраецца запаволенне росту прамысловай вытворчасці (падрабязна)Матэрыял даступны толькі падпісчыкам ПОЗІРК+
- Эканоміка
- Эканоміка
- Грамадства, Эканоміка
- Грамадства, ЭканомікаРэальныя наяўныя грашовыя даходы насельніцтва ў студзені выраслі на 13,8% — Белстат (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, Палітыка
- Эканоміка
- Грамадства
- Палітыка, ЭканомікаМінск прапануе Бенгазі супрацоўніцтва ў перапрацоўцы нафты і збожжаМатэрыял даступны толькі падпісчыкам ПОЗІРК+
- Палітыка
- Грамадства, Палітыка
- Грамадства, ПалітыкаПольшча зафіксавала рэкордную за амаль паўгода колькасць спробаў незаконнай міграцыі з БеларусіМатэрыял даступны толькі падпісчыкам ПОЗІРК+
- Палітыка
- Грамадства, Палітыка, Эканоміка
- Грамадства