Лукашэнка абмеркаваў з кіраўніком “Раснафты” Сечыным перспектывы супрацы

30 ліпеня, Позірк. Перспектывы супрацы Беларусі з “Раснафтай” абмеркавалі 30 ліпеня па тэлефоне Аляксандр Лукашэнка і старшыня праўлення гэтай расійскай кампаніі Ігар Сечын.

Прэс-служба Лукашэнкі падрабязнасцяў не прыводзіць, “Раснафта” пра перамовы не паведамляе.

На нарадзе па міжнародных пытаннях напярэдадні Лукашэнка заявіў, што ў рамках візіту ў Расію 25–27 ліпеня абмяркоўваў з Уладзімірам Пуціным сярод іншага новую формулу цэнаўтварэння на нафту, перадаплату за яе і ўтылізацыйны збор.

“Мы дамовіліся пра тое, што я сёння-заўтра (у залежнасці ад таго, як вы гэта падрыхтуеце) накірую яму пісьмовае пасланне, ліст, з выкладаннем сутнасці гэтых трох пытанняў”, — Тэма перадаплаты за нафту, якую Беларусі ў асноўным пастаўляе кампанія “Раснафта”, паводле сцвярджэння Лукашэнкі, абурыла кіраўніка расійскай дзяржавы. Гэтага быць не можа! Якая перадаплата? Усё жыццё працавалі без перадаплаты — зможам і далей працаваць”, — так, паводле яго слоў, адрэагаваў Пуцін.сказаў ён.

17 чэрвеня прэм’ер-міністр Раман Галоўчанка назваў падвышэнне сусветнай цаны на нафту прычынай адмоўнага сальда ў знешнім гандлі. “Мы закупляем сырую нафту, таму гэта адыграла на павелічэнне кошту імпарту, плюс знізіліся цэны на традыцыйныя беларускія тавары на знешніх рынках”, — сказаў кіраўнік урада.