За мінулыя суткі ў Беларусі ад агню загінуў адзін чалавек

4 лютага, Позірк. За мінулыя дзяжурныя суткі (з 6:00 3 лютага да 6:00 4 лютага) у Беларусі ад агню загінуў адзін чалавек, сведчыць аператыўная зводка Міністэрства па надзвычайных сітуацыях.

Паводле даных Гомельскага абласнога ўпраўлення МНС, трагедыя адбылася ў Мазырскім раёне. Падрабязнасці не прыводзяцца.

За суткі ў краіне адбылося 19 пажараў: у Гомельскай вобласці — 7, Брэсцкай — 4, Віцебскай — 3, Мінскай — 2, Гродзенскай, Магілёўскай і ў Мінску — па 1.

Два чалавекі траўмаваныя (у Віцебскай вобласці), чатыры выратаваныя (па два ў Віцебскай і Магілёўскай абласцях).

Ад пачатку года ў Беларусі адбылося 586 пажараў — на 4,4% менш, чым на тую ж дату 2023-га (613). Загінула 83 чалавекі (-2,4%; 85), у тым ліку адно дзіця (аналагічна); траўмавана — 53 (53), выратавана — 68 (-17,1%; 82).