Цеплазабеспячэнне пасля аварыі на трубаправодзе ў Мінску адноўлена

9 лютага, Позірк. Аб ліквідацыі аварыі на трубаправодзе і аднаўленні цеплазабеспячэння на захадзе сталіцы паведаміла 9 лютага РУП “Мінскэнерга”.

“У выніку пашкоджання трубаправода ў раёне вул. Прытыцкага адбылося адключэнне ад цеплазабеспячэння ў 11 спажыўцоў жылога фонду і двух адміністрацыйных будынкаў”, — гаворыцца ў рэлізе.

У 02:50 на пашкоджаным участку цепласеткі былі завершаны зварачныя работы, а 03:30 участак трубаправода сеткі ўключаны ў працу.

“На працягу сённяшняга дня праводзіліся работы па аднаўленні цеплаізаляцыі, перакрыцці цеплавога канала плітамі, а таксама заладка стыкаў гідраізаляцыі і адваротнае засыпанне грунтам. У найкарацейшыя тэрміны будзе адноўлена добраўпарадкаванне тэрыторыі”, — адзначылі ў арганізацыі.

Аб аварыі паведамлялася напярэдадні.