На беларускіх метэастанцыях перакрытыя рэкорды холаду 85-гадовай даўніны

8 красавіка, Позірк. 15 тэмпературных антырэкордаў устаноўлена за апошнія тры ночы на беларускіх метэастанцыях, сведчыць праведзены “Позіркам” параўнальны аналіз аператыўных і архіўных даных Белгідрамета.

Найбольшая колькасць начных мінімумаў — 10 — была перапісана ў ноч на 8 красавіка.

У Клічаве паветра астудзілася да 10 градусаў марозу (было -7,6 у 2013 годзе). Мінулай ноччу гэта было найбольш халодным месцам у краіне.

У Васілевічах і Мар’інай Горцы перакрытыя антырэкорды, якія трымаліся з 1940 года (адпаведна -6,1 супраць -5,6 і -7,7 супраць -7,4 градуса).

Абнавіліся лакальныя мінімумы таксама ў Жыткавічах (-6,8 супраць -6,5 у 2013 годзе), Жлобіне (-6,4 супраць -4,5 у 1963-м), Слуцку (-6,2 супраць -6 у 2013-м), Мазыры (-5,8 супраць -4,3 у 2013-м), Брагіне (-4,7 супраць -4,6 у 2013-м), Сянно (-4,6 супраць -4,4 у 1997-м) і Мсціславе (-4,3 супраць -3,2 у 2013-м). Паўтарыўся экстрэмум ў Бабруйску (-7,2 у 2013 годзе).

Напярэдадні пахаладання, 3 і 4 красавіка, на асобных метэастанцыях былі зарэгістраваныя рэкорды цяпла.

Падрабязнасці даступныя падпісчыкам “Позірк+”

Гл. таксама:

Мінулы сакавік разам з сакавіком 2007 года стаў самым цёплым у Беларусі за пасляваенны перыяд