19 красавіка, Позірк. Украіна і Расія 19 красавіка ў чарговы раз абмяняліся ваеннапалоннымі на беларускай тэрыторыі, вынікае з інфармацыі Міністэрства абароны РФ.
Адзначаецца, што кожны бок перадаў іншаму па 246 ваеннапалонных. “Таксама ў якасці жэсту добрай волі перададзены 31 паранены ваеннапалонны ў абмен на 15 параненых расійскіх вайскоўцаў, якія маюць патрэбу ў тэрміновай медыцынскай дапамозе”, — гаворыцца ў паведамленні.
Такім чынам, Украіна вярнула 277 сваіх грамадзян (лік пацвердзіў прэзідэнт Уладзімір Зяленскі), Расія — 261.
Паводле інфармацыі Мінабароны РФ, усім расійскім вайскоўцам на тэрыторыі Беларусі “аказваецца неабходная псіхалагічная і медыцынская дапамога, а таксама нададзеная магчымасць звязацца са сваякамі”.
Пасля іх даставяць на радзіму для “праходжання лячэння і рэабілітацыі”.
Паведамляецца, што абмен адбыўся пры пасярэдніцтве ААЭ.
Ад пачатку 2025 года гэта ўжо трэці раз, калі Украіна і РФ абменьваюцца палоннымі на тэрыторыі Беларусі. 19 сакавіка кожны бок перадаў іншаму па 175 чалавек (у дадатак Украіна атрымала 22 цяжкапараненых), 5 лютага — па 150.
Аўтарызавацца
Забыліся пароль?
Выхад з профілю
