Усе асноўныя замежныя валюты падаражэлі на першых біржавых таргах тыдня

26 траўня, Позірк. Усе асноўныя замежныя валюты падаражэлі на таргах Беларускай валютна-фондавай біржы 26 траўня 2025 года.

Курс долара вырас да 3,0087 рубля (+0,1%; +0,0031), юаня — да 4,177 за 10 (+0,13%; +0,0055), еўра — да 3,41 (+0,5%; +0,0169), расійскага рубля — да 3,7593 за 100 (+0,0003%; +0,001)

На мінулым працоўным тыдні (19–23 траўня) курс долара знізіўся на 0,26% (з 3,0134 да 3,0056 рубля), еўра — на 0,2% (з 3,4 да 3,3931); юань падаражэў на 0,47% (з 4,1521 да 4,1715 за 10), расійскі рубель — на 1,17% (з 3,7156 да 3,759 за 100).

Афіцыйны курс долара ў Беларусі за першую траціну гэтага года знізіўся на 12,16 працэнта (з 3,4735 да 3,0512 рубля). Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 30 красавіка 2025-га (па выніках студзеня, студзеня — лютага, студзеня — сакавіка таксама другое месца, -1,73%, -8,54%, -10,25% адпаведна).

У 2024 годзе афіцыйны курс долара ў Беларусі вырас на 9,32% (з 3,1775 да 3,4735 рубля). Гэта чацвёрты паказчык на тэрыторыі былога СССР.

У 2023 годзе ў Беларусі было другое месца паводле росту афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца паводле яго падаражэння (+22,59%).