МУС спыніла спробу вывазу ў Расію буйной партыі каляровых металаў
26 кастрычніка, Позірк. Аб спыненні чарговай спробы вывазу ў Расію буйной партыі металу паведамляе прэс-служба Міністэрства ўнутраных спраў.
Адзначаецца, што ў Лагойскім раёне (Мінская вобласць) супрацоўнікі ведамства спынілі грузавік “Даф” з паўпрычэпам пад кіраваннем 30-гадовага жыхара пастаў (Віцебская вобласць).
“Пры аглядзе транспартнага сродку міліцыянеры выявілі больш за 22 т лому каляровых металаў без суправаджальных дакументаў. Кіроўца растлумачыў, што перавозіў яго паводле даручэння наймальніка, 53-гадовага мінчука, для далейшай рэалізацыі ў Расіі. Уладальнік каляровага металу збіраў яго на тэрыторыі сталіцы”, — гаворыцца ў паведамленні.
Кошт канфіскаванага грузу, паводле ацэнкі МУС, складае 74 тыс. рублёў.
“У дачыненні да мінчука складзены адміністрацыйны пратакол за незаконную прадпрымальніцкую дзейнасць. Яму пагражае буйны штраф і канфіскацыя прадмета правапарушэння”, — адзначылі ў ведамстве.
Міліцыя спыніла чарговую спробу вывезці з Беларусі ў Расію партыю металу
21 чэрвеня, Позірк. Больш за 18 тон лому каляровых і чорных металаў на суму 56 тыс. рублёў не дазволілі вывезці з Беларусі ў Расію супрацоўнікі аддзела па барацьбе з эканамічнымі злачынствамі і Дзяржаўтаінспекцыі Мінскай вобласці. Паводле інфармацыі прэс-службы МУС, аўтамабіль …
