На пажары ў інтэрнаце ў Жодзіне выратавана тры чалавекі, эвакуявана 30

16 ліпеня, Позірк. Аб ліквідацыі пажару ў інтэрнаце ў Жодзіне (Мінская вобласць) паведаміла Міністэрства па надзвычайных сітуацыях.

Раніцай 16 ліпеня ратавальнікам паступіла паведамленне аб “спрацоўцы пажарнай аўтаматыкі ў інтэрнаце па пр. Міра”.

На момант прыбыцця падраздзяленняў МНС да месца здарэння назіралася задымленне на восьмым паверсе дзевяціпавярховага будынка.

Выратавана тры чалавекі, яны перададзены брыгадзе хуткай медыцынскай дапамогі. 30 жыхароў эвакуявана.

Абставіны здарэння высвятляюцца, адзначылі ў МНС.

З пачатку 2026 года, паводле звестак ведамства, у Беларусі адбылося 4.112 пажараў (на аналагічны леташні перыяд — 3.728; +10,3%).

Загінуў на пажарах 331 чалавек (310; +6,8%).