Медыянны заробак у траўні быў на 22,9% меншы за намінальны

16 ліпеня, Позірк. Медыянны заробак работнікаў Беларусі ў траўні 2026 года склаў

2.314,9 рубля — на 22,9% менш, чым намінальны налічаны (3.003,5), сведчыць праведзены “Позіркам” аналіз даных Нацыянальнага статыстычнага камітэта, апублікаваных 16 ліпеня.

Даведка “Позірку”:

• намінальны заробак — абсалютная сума грошай, якую работнік атрымлівае за сваю працу ў адпаведнасці з працоўным дагаворам. Гэтая лічба фіксуецца ў плацежнай ведамасці або разліковым лістку да ўтрымання падаткаў;
• медыянны заробак — значэнне заробку, якое дзеліць усіх работнікаў на дзве роўныя групы: у адной паловы заробак ніжэйшы за медыянны, у другой — вышэйшы (ці не ніжэйшы). У адрозненне ад сярэдняга заробку, медыянная лепш адлюстроўвае тыповы ўзровень даходаў, бо практычна не залежыць ад вельмі высокіх ці вельмі нізкіх заробкаў.