Долар падаражэў на біржавых таргах 18 жніўня, курс рэкордны за апошнія 10 месяцаў

18 жніўня, Позірк. Амерыканская, адзіная еўрапейская, а таксама кітайская валюты падаражэлі на таргах Беларускай валютна-фондавай біржы 18 жніўня 2026 года.

Каціроўка долара вырасла да 3,0313 (+0,6%; +0,0182). На супастаўным узроўні ён знаходзіўся 6 кастрычніка 2025 года, калі падаражэў з 3,0056 да 3,039 рубля (+1,11%; +0,0334).

Еўра вырас да 3,4989 рубля (+0,23%; +0,008), юань — да 4,5021 за 10 (+0,09%; +0,0039), расійскі рубель— да 3,5632 за 100 (+0,06%; +0,002).

На папярэднім працоўным тыдні (10-14 жніўня) курс даляра вырас на 1,43% (з 2,9484 да 2,9906 рубля), еўра — на 1,28% (з 3,4014 да 3,4448), юаня — на 1,31% (з 4,4126 да 4,4703 за 10); расійскага рубля — знізіўся на 1,58% (з 3,6294 да 3,5719 за 100).

У студзені — ліпені 2026 года афіцыйны курс долара ў Беларусі вырас на на 0,37% (з 2,9027 да 2,9133 рубля). Як вынікае з праведзенага “Позіркам” аналізу, гэта сёмае месца пасля Украіны — 5,44% (з 42,3878 да 44,6916 грыўны), Малдовы — на 4,38% (з 16, 7925 да 17, 5280 лея), Латвіі, Літвы, Эстоніі — 2,30% (з 0,8511 да 0,8707 еўра) і Расіі — 2,08% (з 78,2267 да 79,8573 рубля).

Менш, чым у Беларусі, долар падаражэў у Кыргызстане — на 0,04% (з 87,4177 да 87,45 сома) і Таджыкістане — на 0,01% (з 9,2513 да 9,2525 самані).

Кошт амерыканскай валюты знізіўся ва Узбекістане — на 0,16% (з 12.025,33 да 12.006,39 сума), Грузіі — на 2,54% (з 2,6951 да 2,6266 лары), Арменіі — на 3,98% (з 381,36 да 366,20 драма) і Казахстане — на 5,56% (з 502,57 да 474,63 тэнге).