Каманда Ціханоўскай збірае інфармацыю па справе грамадзяніна ФРГ, прыгаворанага да смерці ў Беларусі
19 ліпеня, Позірк. Беларускі дэмакратычны лідар Святлана Ціханоўская “занепакоеная навіной пра тое, што грамадзянін Германіі Рыка Крыгер быў прыгавораны да смерці рэжымам Лукашэнкі”.
“У цяперашні час мы збіраем дадатковую інфармацыю па яго справе. Наколькі нам вядома, яго вінавацілі ў некалькіх злачынствах, звязаных з так званым “экстрэмізмам”, — напісала палітык на сваёй старонцы ў сацыяльнай сетцы Х.
Раней дарадца Ціханоўскай па прававых пытаннях Леанід Марозаў паведаміў, што офіс дэмлідара перадаў прадстаўнікам МЗС Германіі даныя, якія сведчаць пра тое, што нямецкаму грамадзяніну ў Беларусі “пагражае выключная мера”.
Ён выказаў спадзеў на тое, што дэмакратычныя краіны разам змогуць “выратаваць жыццё чалавека, якога абвінавачваюць у цяжкіх злачынствах на сумнеўных падставах”.
19 ліпеня праваабарончы цэнтр “Вясна” пацвердзіў факт таго, што 24 чэрвеня Мінскі абласны суд вынес смяротны вырак 30-гадоваму грамадзяніну Германіі Рыка Крыгеру. Першым інфармацыю пра прыгавор са спасылкай на ўласныя крыніцы распаўсюдзіў тэлеграм-канал “МотолькоПомоги”.
Грамадзянін ФРГ абвінавачваўся паводле ч. 4 арт. 295 (незаконныя дзеянні ў адносінах да агнястрэльнай зброі, боепрыпасаў і выбуховых рэчываў), ч. 4 арт. 309 (наўмыснае прывядзенне ў непрыдатнасць транспартнага сродку або шляхоў зносін), ч. 3 арт. 3611 (стварэнне экстрэмісцкага фарміравання або ўдзел у ім), ч. 3 арт. 289 (акт тэрарызму), арт. 3581 (агентурная дзейнасць) і арт. 133 (наёмніцтва) Крымінальнага кодэкса.

МЗС і амбасада ФРГ "актыўна абараняюць інтарэсы" асуджанага да смяротнага пакарання Рыка Крыгера


- Палітыка
- ПалітыкаЦіханоўская абмеркавала вызваленне палітвязняў з кіраўніком МЗС Эстоніі (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Грамадства, ПалітыкаПаказчыкі Нацыянальнага індэкса правоў чалавека застаюцца “стабільна нізкімі” — БХКМатэрыял даступны толькі падпісчыкам ПОЗІРК+
- Палітыка
- Палітыка
- Грамадства, Палітыка
- Палітыка
- Грамадства, Навіны Германіі
- Палітыка
- Грамадства
- Грамадства
- Палітыка
- Палітыка
- Эканоміка
- Грамадства, ПалітыкаУрач Салавей: Сістэма беларускіх турмаў не забяспечвае жанчынам нават мінімальнага ўзроўню абароны здароўяМатэрыял даступны толькі падпісчыкам ПОЗІРК+
- ЭканомікаBEROC: Павышэнне Нацбанкам стаўкі рэфінансавання — моцна запозненая мера (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, Навіны ГерманііУ 2024 годзе Беларусь заняла другое месца ў свеце па колькасці выдадзеных Германіяй пяцігадовых шэнгенскіх віз (падрабязна)Матэрыял даступны толькі падпісчыкам ПОЗІРК+
- Палітыка