Мінулы жнівень аказаўся найхаладнейшым за апошнія 16 гадоў

6 верасня, Позірк. Мінулы жнівень быў халаднейшым за норму ўпершыню пасля 2021 года: сярэдняя тэмпература склала 17,1 градуса, адхіленне — 0,9 градуса. Такі нізкі паказчык не фіксаваўся з 2009 года, гаворыцца ў справаздачы Белгідрамета.

Халадней за норму было ўсюды, акрамя Гродна.

Адмоўная анамалія назіралася ва ўсіх трох дэкадах месяца: у першай — 0,7 градуса (18,7 супраць 19,4), у другой — 1 (18,1 супраць 19,1), у трэцяй — 0,8 (15,7 супраць 16,5).

Цяплей за ўсё было 31 жніўня ў Салігорску і Акцябрскім (33,3 градуса), халадней за ўсё — уначы 28 жніўня ў Клічаве (2,1).

У жніўні 2024 года экстрэмумы былі вышэйшыя: 35,1 градуса ўдзень (19 жніўня ў Акцябрскім і 21 жніўня ў Лельчыцах) і 4,7 градуса ўначы (14 жніўня на метэастанцыі “Палеская“ ў Лунінецкім раёне).

Ападкаў выпала 58% нормы (37 мм, або 37 л вады на квадратны метр тэрыторыі). Недабор зафіксаваны ўсюды, акрамя поўначы Віцебскай вобласці і поўдня Гомельскай. Рэкорд месяца — 51 мм у Брагіне 22 жніўня.

Мала ападкаў было і ў жніўні летась — 62% нормы (39 мм).

16 жніўня ў Ашмянах выпаў град дыяметрам да 6 мм. Максімальная хуткасць ветру адзначаная 10 жніўня ў Ваўкавыску — 23 м/с.

Экстрэмумы леташняга жніўня: ападкі — 95,7 мм (гідрапост Беліца на рацэ Нёман, Лідскі раён, 20 жніўня), град — 5 мм (Віцебск, 11 жніўня), вецер — 23 м/з (Докшыцы, 21 жніўня).

На пачатку верасня ў Беларусі назіраецца анамальна цёплае для гэтага перыяду надвор’е.

Гл. падрабязней:

З пачатку верасня на беларускіх метэастанцыях зафіксавана 17 рэкордаў цяпла (калі спасылка не працуе, карыстайцеся, калі ласка, гэтай)